چنڈی گڑھ: پنجاب کے آنندپور صاحب سے کانگریس رکن پارلیمنٹ منیش تیواری نے آج اپنی پارٹی کے وزیراعلی سمیت ان سیاسی پارٹیوں پر،جو آئندہ اسمبلی انتخابات کے پیش نظر ہرروز نئے متوجہ کرنے والے اعلانات اور وعدے کررہے ہیں، طنز کرتے ہوئے کہا کہ الیکشن کے بعد جیتنے والی پارٹی کا پہلا بیان ہوگا کہ پنجاب دی مالی حالی کمزور ہے ،وعدے پورے نہیں ہوسکتے ۔تیواری نے ٹویٹ میں کہا کہ پنجاب کو سچ جاننے کا حق ہے ۔سال 1992 سے مالی حالت لڑکھڑائی ہوئی ہے ۔سیاسی پارٹیوں کے متوجہ کرنے والے اعلانات اور وعدوں کی دوڑ سرکاری ریونیو کے دم پر نہیں ٹک پائے گی۔جوبھی پارٹی الیکشن جیتے گی اس کے بعد اس کا پہلا بیان یہی ہوگا کہ مالی حالت خراب ہے ،وعدے پورے نہیں کئے جا سکتے ۔ پنجاب اسمبلی الیکشن کے نزدیک آنے کے ساتھ وزیراعلی چرنجیت سنگھ چنی اور اہم دعوے دار عام آدمی پارٹی سمیت مختلف سیاسی پارٹیوں میں ووٹروں کو متوجہ کرنے کیلئے نئے نئے اعلان اور وعدوں کی دوڑ لگی ہوئی ہے ۔
