دبئی۔ نیوزی لینڈ کیدراز قد فاسٹ بولر کائل جیمیسن (825 نشانات) آج جاری کردہ تازہ ترین آئی سی سی ٹسٹ بولنگ درجہ بندی میں آٹھ مقامات کی چھلانگ لگاکرکیریئرکے بہترین مقام تیسرے نمبر پر پہنچ گئے ہیں اور انہوں نے ہندوستانی اسپنر اشون کے فرق کو کافی حد تک ختم کردیا ہے۔ روی چندرن اشون (861 نشانات) جو فہرست میں دوسرے نمبر پر ہیں جبکہ آسٹریلیائی فاسٹ بولراور ٹسٹ کپتان پیٹ کمنز 895 نشانات کے ساتھ سرفہرست ہیں۔جیمیسن کی لمبی چھلانگ بنگلہ دیش کے خلاف دو میچوں کی آئی سی سی ورلڈ ٹسٹ چمپئن شپ سیریز میں عمدہ کارکردگی کے بعد آئی ہے جو 1-1 سے برابری پر ختم ہوئی۔27 سالہ جیمیسن جنہوں نے کرائسٹ چرچ میں دوسرے ٹسٹ میں چھ سمیت آٹھ وکٹیں حاصل کیں، رچرڈ ہیڈلی (نومبر 1985 میں 909)، نیل ویگنر کے بعد 825 ریٹنگ پوائنٹ کے نشان کو چھونے والے نیوزی لینڈ کے صرف پانچویں بولر ہیں۔ (دسمبر 2019 میں 859)، ٹم ساؤتھی (نومبر 2021 میں 839) اور ٹرینٹ بولٹ (مئی 2015 میں 825) نشانات حاصل کرچکے ہیں۔بائیں ہاتھ کے بولٹ نے بھی تازہ ترین درجہ بندی میں ترقی کی ہے جس میں ہندوستان اور جنوبی افریقہ کے درمیان دوسرا ٹسٹ اورچوتھا ایشز ٹسٹ شامل ہے۔ بیٹرس میں ہندوستان کے روہت شرما اور ٹسٹ کپتان ویراٹ کوہلی بالترتیب پانچویں اور نویں نمبر پر برقرار ہیں۔ نیوزی لینڈ کے راس ٹیلر نے 871 ریٹنگ پوائنٹس حاصل کر کے 28ویں نمبر پر ٹسٹ کرکٹ سے کنارہ کشی اختیار کر لی ہے جبکہ انہوں نے دسمبر 2013 میں کیریئرکا بہترین چوتھا مقام حاصل کیا تھا۔
