زبردستی شراب پلائی۔حملے کی ویڈیو وائرل ،جھانسی میں افسوسناک واقعہ
جھانسی:اتر پردیش کے جھانسی میں دسویں کلاس کے طالب علم کو برہنہ کرکے مار پیٹ کا معاملہ سامنے آیا ہے۔ ہم جماعت ساتھی اپنے دوستوں کے ساتھ طالبعلم اور اس کے دوست کو رسالہ چونگی سے ملحقہ جنگل میں لے گئے وہاں اسے زبردستی شراب پلائی گئی اور پھر لاٹھیوں اور بیلٹوں سے مارا پیٹا گیا۔ طالب علم ہاتھ جوڑ کر التجا کرتا رہا اور معافی مانگتا رہا لیکن اسے مارنے والے دوست باز نہ آئے۔ دھمکی دی کہ اگر وہ تھانے گیا تو اسے قتل کر کے پھینک دیں گے۔ملزم نے پورے واقعہ کی ویڈیو بنائی اور پھر اسے علاقے میں وائرل کر دیا۔ اب متاثرہ طالب علم اور اس کے اہل خانہ نے یونیورسٹی چوکی پولیس میں شکایت درج کراتے ہوئے انصاف کی اپیل کی ہے۔ پولیس پورے معاملے کی جانچ کر رہی ہے۔شیواجی نگر کا ایک 16 سالہ لڑکا ہے جو ایک پرائیویٹ اسکول میں دسویں جماعت میں پڑھتا ہے۔ طالب علم نے کہاکہ پیر کی صبح لاور نہرو پارک میں چوراہے پر بیٹھا تھا۔ میرے ساتھ میرا دوست بھی تھا۔ پھر میری کلاس کے چار لڑکے گاڑی سے آئے اور مجھے بلایا۔ جب میں گاڑی کے قریب پہنچا تو انہوں نے مجھے گاڑی کے اندر کھینچ لیا۔ پوچھنے پر اس نے بتایا کہ وہ فوج کی فائرنگ کو دیکھنے جنگل لے جارہے ہیں۔ وہ مجھے مورانی پور روڈ پر رسالہ چونگی کے قریب جنگل کے اندر لے گئے۔ اس کے دو اور دوست وہاں آگئے۔ وہ پہلے ہی نشے میں تھے اور شراب کی بوتل بھی ساتھ لیکر آئے تھے۔پہلے انہوں نے مجھے شراب پلائی پھر میرے کپڑے اتار کر ویڈیو بنائی۔طالب علم نے مزید بتایا کہ دونوں نوجوانوں نے مجھے شراب پلائی۔ جب میں نے انکار کیا تو انہوں نے مجھے دھمکیاں دینا شروع کر دیں تو میں نے ڈر کر شراب پی لی۔ کچھ دیر بعد تمام چھ ملزمان نے مجھے اور میرے دوست کو لاٹھیوں سے مارنا شروع کر دیا۔ میرے سارے کپڑے اتار دیے۔ میں اس کے سامنے ہاتھ جوڑ کر معافی مانگتا رہا لیکن اس نے میری ایک نہ سنی۔ وہ تقریباً ایک گھنٹے تک مجھے مارتے رہے۔ اس نے موبائل پر ویڈیو بھی بنائی۔ کسی طرح وہ وہاں سے بھاگا اور سڑک پر پہنچا اور پھر گھر آگیا۔ چہارشنبہ کو ملزم نے ویڈیو وائرل کر دیا۔ اس سے پورے علاقے کی بدنامی ہو رہی ہے۔طالب علم نے بتایا کہ اس نے ایک دوست کو 200 روپے ادھار دیے تھے۔ وہ پیسے واپس نہیں کر رہا تھا۔ تقریباً دو مہینے پہلے میری اس لڑکے سے لڑائی ہوئی تھی۔ تب سے وہ ناراضگی کا شکار تھا۔ اس نے اپنے دوستوں کو بلایا اور پوری واردات کو انجام دیا۔نوآباد پولیس اسٹیشن کے انچارج انسپکٹر تلسیرام پانڈے جو پولیس کیس کی جانچ کررہے ہیں ان کاکہنا ہے کہ ایک طالب علم کو برہنہ کرکے پیٹنے کا معاملہ ان کے علم میں آیا ہے۔ابھی تک گھر والوں نے کوئی شکایت نہیں کی۔ پورے معاملے کی جانچ کی جا رہی ہے۔ شکایت موصول ہونے پر قواعد کے مطابق قانونی کارروائی کی جائے گی۔
