پٹنہ، 5 مئی (یواین آئی) وزیرِ اعظم نریندر مودی اور سابق چیف منسٹر نتیش کمار کی موجودگی میں بہار کے چیف منسٹر سمراٹ چودھری کی کابینہ کی توسیع کی تقریب 7 مئی کو پٹنہ کے گاندھی میدان میں منعقد ہوگی۔بہار بی جے پی صدر سنجے سراوگی نے بتایا کہ سمراٹ چودھری کابینہ کی توسیع 7 مئی کو ہونے والی ہے ۔ انہوں نے کہا کہ وزراء کی حلف برداری کی تقریب پٹنہ کے تاریخی گاندھی میدان میں ہوگی، جس کیلئے تیاریاں جاری ہیں۔سراوگی نے کہا کہ اس تقریب میں وزیرِ اعظم مودی، قومی صدر نتن نبین، وزیرِ داخلہ امت شاہ، مرکزی وزیرِ صحت جے پی نڈا اور جے ڈی یو صدر نتیش کمار سمیت تمام اتحادی جماعتوں کے سرکردہ رہنما شرکت کریں گے ۔ اس دوران، بہار بی جے پی دفتر میں کابینہ توسیع پروگرام اور مغربی بنگال، آسام اور پڈوچیری میں بی جے پی کی تاریخی کامیابی کے بعد وزیرِ اعظم مودی، قومی صدر نتن نبین اور مرکزی وزیرِ داخلہ کے پہلی بار بہار آمد کی تیاریوں کے سلسلے میں ایک میٹنگ منعقد کی گئی۔
