نئی دہلی: مرکزی کابینہ نے سال 2024-25 کے لیے ملنگ ناریل کی کم از کم سہارا قیمت 11160 روپے فی کوئنٹل اور بال ناریل کا ایم ایس پی 12000 روپے فی کوئنٹل قرار دیا ہے ۔وزیر اعظم نریندر مودی کی صدارت میں چہارشنبہ کو یہاں اقتصادی امور کی کابینہ کمیٹی کی میٹنگ میں اس سلسلے میں ایک تجویز کو منظوری دی گئی۔ وزیر انوراگ سنگھ ٹھاکر نے یہاں ایک پریس کانفرنس میں بتایا کہ مرکزی کابینہ نے سال 2024-25 کیلئے ناریل کے ایم ایس پی کو منظوری دی ہے ۔ٹھاکر نے بتایا کہ سال 2024-25 کیلئے ایم ایس پی میں پچھلے سال کے مقابلے ملنگ ناریل کیلئے 300 روپے فی کوئنٹل اور بال ناریل کیلئے 250 روپے فی کوئنٹل کا اضافہ ہوا ہے ۔ نئے سیزن کیلئے ملنگ ناریل کی ایم ایس پی 11160 روپے فی کوئنٹل اور بال ناریل کیلئے 12000 روپے فی کوئنٹل ہوگی۔مرکزی وزیر نے کہا کہ کسانوں کو منافع بخش قیمتیں فراہم کرنے کیلئے ، حکومت نے مرکزی بجٹ 2018-19 میں اعلان کیا تھا کہ تمام ضروری فصلوں کی ایم ایس پی کل ہند پیداواری لاگت کے کم از کم 1.5 گنا کی سطح پر طے کی جائے گی۔
ملنگ ناریل کے لئے 51.84 فیصد اور بال ناریل کے لیے 63.26 فیصد کا مارجن یقینی ہوگا، جو کہ کل ہند اوسط پیداواری لاگت سے 1.5 گنا زیادہ ہے ۔ ملنگ ناریل کا استعمال تیل نکالنے کے لیے کیا جاتا ہے ، جب کہ بال/کھانے کے قابل ناریل کو خشک میوہ جات کے طور پر استعمال کیا جاتا ہے اور مذہبی مقاصد کے لیے استعمال ہوتا ہے ۔
کیرالہ اور تمل ناڈو لاکھوں ناریل کے بڑے پروڈیوسر ہیں، جبکہ بال ناریل بنیادی طور پر کرناٹک میں پیدا ہوتے ہیں۔
مسٹرٹھاکر نے بتایا کہ پچھلے 10 برسوں میں، حکومت نے ملنگ ناریل اور بال ناریل کے لئے ایم ایس پی کو 2014-15 میں 5250 روپے فی کوئنٹل اور 5500 روپے فی کوئنٹل سے بڑھا کر 2024-25 میں 11160 روپے فی کوئنٹل 12000 روپے فی کوئنٹل کر دیا ہے ۔ ان میں بالترتیب 113 فیصد اور 118 فیصد اضافہ ریکارڈ کیا گیا۔