ہواڑہ میں پولیس پر حملہ‘ دو جوان ہوئے زخمی۔ ویڈیو

,

   

کلکتہ۔ مغربی بنگال کے ضلع ہواڑہ میں منگل کے روز لاک ڈاؤ ن کے نفاذ کو یقینی بنانے کی کوشش کرنے والی سکیورٹی فورسس کی دوگاڑیوں پر ہجوم نے اینٹوں اور پتھروں سے حملہ کردیا ہے‘ جس میں پولیس کے دوجوان بھی زخمی ہوگئے ہیں۔

ایک پولیس افیسر نے کہاکہ تشدد اس وقت بھڑکا جب لاک ڈاؤن کے پیش نظر پولیس ٹیم نے کچھ نوجوانوں کو تیکاپارہ علاقے میں بلیلویس روڈ پر روکا تھا۔

جس وقت پولیس کے جوان مذکورہ یوتھ کا تعقب لاٹھیاں لے کر کررہے تھے اور ان سے استفسار کیا کہ وہ گھر وں کو واپس لوٹ جائیں‘ مذکورہ یوتھ نے پولیس سے بحث شروع کردی اور یہ بحث کچھ ہی دیر میں شدت اختیار کرلی۔

جس کے فوری بعد بڑی تعداد میں لوگ سڑکوں پر اتر ائے اور پولیس جوانوں کا تعقب کرنا شروع کردیا اور ان پر پتھر بازی کی اور پولیس کی دوگاڑیوں کو نقصان پہنچایا ہے۔ کشیدگی میں اضافہ کے ساتھ پولیس کے زائد دستے بشمول آر اے ایف علاقے میں تعینات کردی گئی ہے۔

ریاست کے وزیر جنگلات راجیو بنرجی نے واقعہ میں ملوث لوگوں کے خلاف سخت کاروائی کا انتباہ دیا اور انہوں نے اس واقعہ کو ”قابل مذمت“ قراردیا ہے۔ہواڑہ ضلع کو سرخ زون قراردیا گیا ہے(جہاں پر کرونا وائرس کے سب سے زیادہ معاملات ریاست میں درج ہیں)۔ضلع کے 56علاقوں کو کنٹیمنٹ قراردیا گیا ہے