ستنا: راشٹریہ سویم سیوک سنگھ (آر ایس ایس) کے سربراہ موہن بھاگوت نے کہا کہ آر ایس ایس سماجی ہم آہنگی کیلئے کام کرتاہے اور اسے اس تصور سے باہر آنا ہوگا کہ تنظیم صرف ہندوؤں اور منو وادیوں کیلئے ہے ۔ بھاگوت، جو مدھیہ پردیش کے ستنا ضلع کے شہر چترکوٹ میں منگل کو اپنے دو روزہ قیام کے ایک حصے کے طور پر پہنچے ، ریاست کی سنگھ چالک ورگ سمیلن کی افتتاحی تقریب سے خطاب کر رہے تھے ۔ اس دوران انہوں نے رضاکاروں کو رہنمائی کی۔انہوں نے کہا کہ سنگھ لیڈروں کی ذمہ داری ہے کہ وہ سماج میں پائی جانے والی عدم مساوات کو دور کریں اور سماجی ہم آہنگی کو برقرار رکھنے کیلئے کام کریں۔سنگھ چالکوں کو ان کی ذمہ داری سے آگاہ کرتے ہوئے ، بھاگوت نے کہا کہ چونکہ سنگھ چالک ہی سماج میں تنظیم کے نمائندے کے طور پر کام کرتے ہیں، اس لیے سماج انہیں امید کی نگاہ سے دیکھتا ہے ۔ انہوں نے کہا کہ ہمیں اس تصور سے باہر آنا ہوگا کہ سنگھ صرف ہندوؤں اور منو وادیوں کیلئے ہے ۔
