بنگلورو: کرناٹک میں حجاب پر پابندی کے خلاف احتجاج کی وجہ سے امتحان ترک کرنے والی مسلم طالبات کو امتحان دینے کا ایک موقع اور فراہم کیا جائے گا، مگر یہ موقع صرف انہی طالبات کے لئے ہے جنہوں نے کرناٹک ہائی کورٹ کے عبوری حکم سے قبل امتحان ترک کیا تھا۔ ’میڈیاکی رپورٹ کے مطابق کرناٹک حکومت نے کہا ہے کہ جو طالبات عدالت کے عبوری حکم سے قبل حجاب پر پابندی کے خلاف احتجاج کی وجہ سے امتحان نہیں دے سکی تھیں، انھیں ایک موقع اور دیا جائے گا۔حکومت کا موقف ہے کہ امتحانات ہر کسی کی مرضی اور خواہش سے نہیں لیے جا سکتے، اس کے لیے ایک طریقہ کار موجود ہے۔ سوالیہ پرچہ ایک پیترن پر مبنی ہوتا ہے اور اس تشخیص کے بعد کافی محنت لگتی ہے، لہذا امتحان کو اچانک اور کسی بھی وقت منعقد نہیں کیا جا سکتا۔حجاب سے متعلق عبوری حکم سے پہلے اور بعد میں کتنی طالبات نے اسکولوں اور کالجوں میں امتحانات ترک کیا ہے، حکومت کے پاس تاحال اس حوالہ سے اعداد و شمار موجود نہیں ہیں۔
