جنیوا :شمالی غزہ میں اسرائیلی ڈیفنس فورسز کے حملے کے بعد کمال عدوان اسپتال میں طبی سہولیات کی کارروائیاں روک دی گئی ہیں۔ اس حملے میں ہسپتال کے بڑے شعبے تباہ ہو گئے ۔ ڈبلیو ایچ او نے یہ اطلاع دی۔ ڈبلیو ایچ او نے سوشل میڈیا پر ایک پوسٹ میں کہا کہ جمعہ کو کمال عدوان اسپتال پر حملے سے طبی سہولیات بند کردی گئی ہیں۔ اطلاعات کے مطابق، حملے کے دوران کچھ اہم محکمے جل کر راکھ ہو گئے ۔ آئی ڈی ایف حملے میں 60 ہیلتھ ورکرز اور 25 مریض شدید زخمی ہوئے اور ان کی حالت تشویشناک ہے ۔ ان میں سے کچھ مریض وینٹی لیٹرز پر ہیں، جبکہ دیگر کی حالت تشویشناک ہے جنہیں انڈونیشیا کے تباہ شدہ اور بند اسپتال لے جایا گیا ہے ۔ اسرائیلی حکام کا کہنا ہے کہ اس حملے کے دوران تقریباً 1200 افراد ہلاک ہوئے ۔
