مرد سیاحوں کو نہر میں ڈھکیل دیا گیا‘ ایک ہلاک ‘کرناٹک کے ہمپی میں واقعہ
بنگلورو: کرناٹک کے ہمپی کے قریب27سالہ اسرائیلی سیاح سمیت دو خواتین کی مبینہ اجتماعی عصمت ریزی اور حملہ کا واقعہ پیش آیا۔ پولیس نے ہفتہ کوبتا یا کہ خواتین کے ساتھ موجود تین مرد سیاحوں پر بھی حملہ کیا گیا اور انہیں نہر میں دھکیل دیا گیا اور ان میں سے ایک ہلاک ہوگیا جس نعش ہفتہ کو برآمد ہوئی۔پولیس نے بتایا کہ ابھی تک کوئی گرفتاری عمل میں نہیں آئی ہے لیکن تینوں شناخت شدہ مشتبہ افراد کی گرفتاری کیلئے کوششیں جاری ہیں۔ پولیس کے مطابق یہ واقعہ جمعرات کی رات تقریباً 11 بجے پیش آیا۔پولیس نے بتایا کہ رات کے کھانے کے بعد ایک 29 سالہ ہوم اسٹے آپریٹر، اسرائیلی سیاح اور تین مرد سیاحوں کے ساتھ، سانا پور جھیل کے قریب تنگابھادرا نہر کے بائیں کنارے پر بیٹھا گٹار بجا رہا ‘ موسیقی سے لطف اندوز ہوتے ہوئے ستاروں کی نگاہیں دیکھ رہا تھا۔پولیس نے بتایا کہ مرد سیاحوں میں ایک امریکی تھا جبکہ دو کا تعلق اڈیشہ اور مہاراشٹرا سے تھا۔پولیس کے مطابق، اپنی شکایت میں، ہوم اسٹے آپریٹر نے الزام لگایا کہ جب وہ ستارے دیکھ رہے تھے اور موسیقی بجا رہے تھے ایک موٹر سائیکل پر سوار تین افراد ان کے پاس آئے اور پوچھا کہ انہیں پیٹرول کہاں سے ملے گا۔جب اس نے انہیں بتایا کہ آس پاس کوئی پیٹرول پمپ نہیں ہے اور ثنا پور سے لینے کا مشورہ دیا تو ملزمین نے 100 روپے کا مطالبہ کیا۔چونکہ ہوم اسٹے آپریٹر انہیں نہیں جانتی تھی، اس لیے اس نے انہیں بتایا کہ ان کے پاس پیسے نہیں ہیں۔ جب مردوں نے بار بار اصرار کیا تو اوڈیشہ کے ایک مرد سیاح نے انہیں 20 روپے دیے۔ اس کے بعد تینوں نے مبینہ طور پر بحث شروع کردی اور اپنے سروں کو پتھروں سے مارنے کی دھمکی دی۔ شکایت کنندہ نے ایف آئی آر میں کہا کہ جب گروپ نے انہیں مزید رقم دینے سے انکار کردیا تو کنڑ اور تلگو بولنے والے ملزمین نے ان کے ساتھ بدسلوکی شروع کردی۔ ایک سینئر پولیس افسر نے بتایا کہ اس کے بعد انہوں نے ہوم اسٹے آپریٹر اور اسرائیلی سیاح کے ساتھ مبینہ طور پر زیادتی کی اور تینوں مرد سیاحوں کو نہر میں دھکیل دیا۔ شکایت کنندہ نے الزام لگایا کہ ملزمین حملہ کرنے کے بعد موٹر سائیکل پر فرار ہوگئے۔پولیس نے مزید کہا کہ تین مرد سیاحوں میں سے دو شدید زخمی ہوگئے اور انہوں نے تیر کر اپنی جان بچائی جبکہ ایک لاپتہ ہو گیا تھا جس کی نعش کو برآمد کرلیا گیا جو ہندوستانی ہے۔دونوں خواتین ہاسپٹل میں زیر علاج ہیں۔پولیس نے کہا کہ مقدمہ درج کر لیا گیا ہے اور مشتبہ افراد کی شناخت بھی کر لی گئی ہے۔