بھنڈ: مدھیہ پردیش کے بھنڈ ضلع میں تین سطحی پنچایتی انتخابی عمل کے درمیان گوہد اسمبلی حلقہ کے شیر پورہ گرام پنچایت کے تحت مہوری گاؤں کے باشندوں نے انتخابات کے بائیکاٹ کا اعلان کیا ہے ۔گاؤں والوں نے گاؤں کے باہر پوسٹر اور بینر لگا کر ووٹ نہ مانگنے کی اپیل کی ہے ۔ گاؤں والوں نے کھل کر کہا ہے کہ پہلے گاؤں میں سڑک اور اسکول بنائیں، پھر ووٹ دیں گے ۔ گاؤں میں کوئی سڑک اور اسکول نہیں ہے ۔گاؤں والوں کا الزام ہے کہ گاؤں کی مین سڑک کچی ہے اور اس پر مٹی اور کیچڑ ہے ۔ گاؤں میں کوئی مڈل اسکول نہ ہونے کی وجہ سے ہمارے بچوں کو پڑھنے کے لیے چار کلومیٹر دور شیرپور گاؤں جانا پڑتا ہے ۔ گاؤں کے لوگوں نے کل پنچایتی انتخابات کے بڑے پیمانے پر بائیکاٹ کا اعلان کرتے ہوئے پوسٹر اور بینرز لگائے ۔
