نئی دہلی: مرکزی وزیر اشونی کمار چوبے نے جمعہ کو پالم ہوائی اڈے پر برطانوی وزیر اعظم رشی سونک کا استقبال کرتے ہوئے رودراکش، شریمد بھاگوت گیتا اور ہنومان چالیسہ پیش کی۔ چوبے نے یہاں جی 20 سربراہی اجلاس میں شرکت کے لیے پہنچے مسٹر سونک کا ہوائی اڈے پر ‘جئے سیارام’ کے ساتھ استقبال کیا۔ مرکزی وزیر نے مسٹر سونک کو بتایا کہ وہ بہار کے بکسر سے ممبر پارلیمنٹ ہیں۔ بکسر قدیم زمانے سے ایک روحانی طور پر مشہور شہر ہے جہاں بھگوان شری رام اور ان کے بھائی لکشمن نے گرو مہارشی وشوامتر سے تعلیم حاصل کی اور تاڈکا کو مارا تھا۔ اس دوران مسٹر سونک نے ہندوستان کی روحانی اور ثقافتی کہانی کو جوش و خروش سے سنا۔ انہوں نے کہا کہ ہندوستان کی سرزمین آپ کے آباؤ اجداد کی سرزمین ہے ۔ آپ کے یہاں آنے سے ہر کوئی بہت پرجوش ہے ۔ مرکزی وزیر نے مسٹر سونک اور ان کی اہلیہ کو ماں جانکی کی جائے پیدائش سیتامڑھی اور ایودھیا بکسر سمیت بانکا کے مندار پہاڑ کی روحانی ثقافت کے بارے میں بھی آگاہ کیا۔
