کابل : افغانستان کے مختلف علاقوں میں شدید بارشوں اور سیلاب کے باعث 15 افراد ہلاک ہو چکے ہیں۔ افغان صوبہ غور اور ہرات میں شدید بارشوں کے باعث 8 افراد ہلاک ہوئے۔حکام کا کہنا ہے کہ سیلاب کے باعث 142 ہیکٹر کا زرعی رقبہ زیر آب آچکا ہے،189 مکانات تباہ ہو چکے ہیں جبکہ 11450 مویشی بھی تلف ہو چکے ہیں۔ دوسری جانب ہرات میں 30مکانوں کو نقصان پہنچا ہے جہاں ایک ہی خاندان کے چار افراد ہلاک ہو چکے ہیں۔ صوبہ غور کے علاقے چہار سدہ اور مرغاب کیدرمیان رابطہ کٹ چکا ہے جہاں 500 خاندان بھی در بدر ہو چکے ہیں۔ دریں اثنا صوبہ اورزگان میں بھی بجلی گرنے سے 7 افراد ہلاک ہو گئے ہیں۔ حکام نے ہلاکتوں میں اضافے کا خدشہ ظاہر کیا ہے۔
