کابل، 19 اگست (سیاست ڈاٹ کام) افغانستان کے یوم آزادی کے موقع پر مشرقی صوبے نانگرہار کے جلال آباد شہر میں یکے بعد دیگرے کئی دھماکے ہوئے جس میں کئی شہری زخمی ہوگئے ۔پہاج ورک نیوز ایجنسی نے یہ اطلاع دی۔ دھماکوں کے بعد متعلقہ مقامات پر پولیس اور فوج کے جوان پہنچے ۔ زخمیوں کو نزدیکی ہاسپٹل میں داخل کرایا گیا ہے ۔اس علاقے میں سرگرم کسی بھی دہشت گرد تنظیم نے ابھی تک اس واقعہ کی ذمہ داری قبول نہیں کی ہے ۔واضح رہے کہ افغانستان میں گزشتہ 24 گھنٹوں کے دوران بم دھماکوں کے کئی واقعات میں 72 لوگوں کی موت اور 180 سے زیادہ زخمی ہوگئے تھے ۔ راجدھانی کابل میں ہفتہ کی شب‘ویڈنگ ہال’ میں ایک طاقتور بم دھماکہ میں کم از کم 63 افراد ہلاک اور 180 سے زیادہ زخمی ہوگئے تھے ۔
