ریاض: پانچ دن کے وقفے سے مسجد نبویؐ کے ایک اور خادم انتقال کرگئے۔عرب میڈیا کے مطابق مسجد نبویؐ میں رسول اللہ صلی اللہ علیہ وسلم کے حجرے کی خدمت پر مامور آغا علی بدیع اتوار کوانتقال کر گئے جن کی نماز جنازہ بعد نماز عصر مسجد نبویؐ میں ادا کی جائے گی۔ یاد رہے کہ پانچ روز قبل 20 نومبر کو مسجد نبویؐ کے ایک اور خادم آغا عبدو علی ادریس کی وفات ہوئی تھی جو حجرہ رسول صلی اللہ علیہ وسلم کی خدمت کے ساتھ مسجد کو روشن اور معطر کرنے کی ذمہ داری بھی ادا کرتے تھے۔اندرون پانچ دن مسجد نبویؐ کے دو خادمین کے انتقال سے غم کا ماحول ہے۔
