نئی دہلی: راجیہ سبھا نے اپوزیشن کی مخالفت کے درمیان دہلی کے تین کارپوریشنوں کے انضمام کے بل کو منظوری دے دی ہے۔ اس بل کو لوک سبھا نے پہلے ہی منظوری دے دی ہے۔اس بل کے تحت موجودہ تین میونسپل کارپوریشنوں کو ایک متحد میونسپل کارپوریشن میں ضم کر دیا جائے گا۔ سال 2011 میں، دہلی کی سابقہ میونسپل کارپوریشن کو تین حصوں میں تقسیم کیا گیا تھا – جنوبی دہلی میونسپل کارپوریشن، شمالی دہلی میونسپل کارپوریشن اور مشرقی دہلی میونسپل کارپوریشن۔
