تہران: ایران نے وینزویلا کے اندرونی معاملات میں امریکہ کی غیر قانونی مداخلت کی مذمت کی ہے ۔وزارت خارجہ کے ترجمان اسماعیل بگھائی نے ہفتہ کو یہ اطلاع دی۔ بگھائی نے اس ہفتہ کے شروع میں انٹونی بلنکن کی ایک پوسٹ پر ردعمل ظاہر کرتے ہوئے سوشل میڈیاپر ایک پوسٹ میں یہ تبصرہ کیا۔ بلنکن نے کہا تھا کہ ان کی حکومت نے وینزویلا کے حزب اختلاف کے امیدوار ایڈمنڈو گونزالیز اروٹیا کو جنوبی امریکہ کے ملک کا “منتخب صدر” تسلیم کر لیا ہے ۔انہوں نے کہا، “ہم وینزویلا کے اندرونی معاملات میں امریکہ اور اس کے کچھ اتحادیوں کی غیر قانونی مداخلت کی مذمت کرتے ہیں جو کہ ملک میں متوازی حکومت کو تسلیم کرکے 2019 کی بدنیتی پر مبنی اور تفرقہ انگیز مداخلتوں کی یاد دلاتا ہے اور وینزویلا کے جائز اور منتخب صدر نکولس مادورو کے ساتھ یکجہتی کا اظہار کرتے ہیں۔ بگھائی نے کہا کہ ایران وینزویلا کے اندرونی معاملات میں کسی بھی بیرونی مداخلت کو بین الاقوامی قوانین اور اقوام متحدہ کے چارٹر کے منافی اور جنوبی امریکی ملک میں امن و استحکام کے لیے دھچکا سمجھتا ہے ۔
