دہلی اور اتر پردیش سمیت بعض ریاستوں میں بارش کی پیش قیاسی
نئی دہلی: مئی کا مہینہ شروع ہوتے ہی ملک بھر میں شدید گرمی شروع ہوگئی ہے۔ ملک کے بعض علاقوں میں دن کا درجہ حرارت 45 ڈگری سے تجاوز کر گیا۔ محکمہ موسمیات کے مطابق 4 مئی کو مغربی بنگال، بہار، تلنگانہ اور رائلسیما میں شدیدگرمی کی لہر کا الرٹ جاری کیا گیا ۔ وہیں پنجاب، ہریانہ، دہلی اور یوپی کے کچھ حصوں میںہلکی بارش کی پیش قیاسی کی گئی تھی۔ محکمہ موسمیات نے دہلی میں 5 اور 6 مئی کو تیز ہواؤں کا الرٹ جاری کیا ہے جبکہ 9 مئی کو بارش اور گرج چمک کے ساتھ تیزبارش کا بھی امکان ہے۔آئی ایم ڈی کے مطابق اس پورے ہفتے دہلی کا زیادہ سے زیادہ درجہ حرارت 37 سے 39 ڈگری سیلسیس اور کم سے کم درجہ حرارت 21 سے 24 ڈگری سیلسیس کے درمیان رہنے کی امید ہے۔موسم کی پیشین گوئی کرنے والی ایجنسی اسکائی میٹ کے مطابق آئندہ 24 گھنٹوں کے دوران اروناچل پردیش میں ایک یا دو مقامات پر ہلکی سے درمیانی بارش اور برفباری کے ساتھ موسلادھار بارش کا امکان ہے۔ 4 مئی سے مغربی ہمالیہ کے علاقے میں ہلکی سے درمیانی بارش اور بالائی علاقوں میں برف باری ہو سکتی ہے اور یہ اگلے 3 سے 4 دنوں کے دوران جاری رہ سکتی ہے۔اس کے علاوہ مغربی آسام، میزورم اور تریپورہ میں بارش ہو سکتی ہے۔ مغربی اتر پردیش میں 5 اور 8 مئی کے دوران اور پنجاب، ہریانہ اور دہلی میں 5 مئی کو ہلکی سے بہت ہلکی بارش ہو سکتی ہے۔ گنگائی مغربی بنگال کے کچھ حصوں اور ذیلی ہمالیائی مغربی بنگال، بہار، تلنگانہ اور رائلسیما کے کچھ مقامات پر گرمی کی لہر کے حالات پیدا ہو سکتے ہیں۔موسم کی پیشن گوئی کرنے والی ایجنسی اسکائی میٹ کے مطابق، ویسٹرن ڈسٹربنس کو درمیانی ٹراپوسفیرک مغربی ہواؤں میں ایک گرت کے طور پر دیکھا جاتا ہے جس کا محور سطح سمندر سے 5.8 کلومیٹر بلندی پر ہے، جو تقریباً 20 ڈگری شمالی عرض البلد کے ساتھ 52 ڈگری مشرقی طول البلد کے شمال میں ہے۔ وہیں، شمال مشرقی آسام پر ایک سائیکلون گردش برقرار ہے۔اس کے علاوہ شمال مشرقی بنگلہ دیش میں نچلی سطح پر ایک سائیکلون سرکولیشن بن رہا ہے۔ یہ ٹرف لائن چھتیس گڑھ سے تلنگانہ اور رائلسیما کے راستہ جنوبی ٹاملناڈو تک پھیلی ہوئی ہے۔