یو پی اسمبلی الیکشن کے ساتویں مرحلہ میں 9اضلاع کی 54 اسمبلی نشستو ں کیلئے آج رائے دہی
لکھنؤ: بہوجن سماج پارٹی (بی ایس پی) سپریمو مایاوتی نے اتوار کو کہا کہ غریبی ،بے روزگاری کے ستائے لوگ ووٹ کی طاقت سے اپنی تقدیر اور ریاست کی تصویر بدل سکتے ہیں مگر اس کے لئے انہیں بی ایس پی کی فولادیحکومت بنانا ضروری ہوگا۔مایاوتی نے سلسلے وار ٹویٹ کرکے کہا،‘‘یوپی کے نو ضلعوں کی 54 اسمبلی سیٹوں پر کل ساتویں اور آخری مرحلے کی ووٹنگ میں یہاں غریبی اور بے روزگاری کے ستائے ہوئے نظرانداز کئے گئے لوگ اپنے ووٹ کی طاقت سے اپنی تقدیر اور ریاست کی تصویر بدلنے کا کام کرسکتے ہیں،جس کے لئے بی ایس پی کی فولادیحکومت بنانی ضروری ہے ۔انہوں نے کہا،‘‘جگ ظاہر ہے کہ مخالف پارٹیوں کے قسم قسم کے متوجہ کرنے والے وعدے اور یقین دہانی سب ہی وعدہ خلافی ثابت ہوئی ہے ۔ ان کی حکومتوں میں یوپی کے لوگوں کے حالات سنبھلنے اور وعدے کے مطابق اچھے دن لانے کے بجائے مسلسل بگڑتے گئے ہیں۔اسی لئے اب ان کے بہکاوے میں نہ آنا ہی ہوشیاری ہے ۔’’ایک دیگر ٹویٹ میں بی ایس پی سربراہ نے کہا کہ مخالف پارٹیوں نے پیسہ کی طاقت سمیت سام،دام دنڈ،بھید وغیرہ سبھی طور طریقوں کو اپناکر یوپی کے الیکشن کو اپنے حق میں کرنے کی ہر ممکن کوشش کی ہے ،لیکن جان لیوا مہنگائی،غریبی ،بے روزگاری ،حکومت کی آمریت اور آوارہ جانوروں وغیرہ سے متاثر عوام اپنے بنیادی مسائل کا حل چاہتے ہیں۔واضح رہے کہ یوپی اسمبلی الیکشن کے ساتویں مرحلے میں پیر کو نو اضلاع کی 54 اسمبلی سیٹوں کے لئے ووٹنگ ہوگی ۔سال 2017 کے اسمبلی الیکشن میں بی ایس پی کو آخری مرحلے میں چھ سیٹیں ملی تھیں۔