بیجنگ : تائیوان کے نائب صدر لائی چنگ۔تے کا دورہ پیراگوئے پر جاتے ہوئے امریکہ کے شہر نیویارک میں اور دورے سے واپسی پر دوبارہ امریکہ کے شہر سان فرانسسکو میں قیام چین کے ردعمل کا سبب بنا ہے۔کل سان فرانسسکو پہنچنے پر، واشنگٹن میں تائیوان کے نمائندے ‘ہاسیاو بیکھم’ اور تائیوان میں امریکن انسٹیٹیوٹ کی سربراہ’لارا روزنبرگ’ نے لائی کا خیر قدم کیا۔لائی نے ایئر پورٹ کے جوار میں واقع ایک ہوٹل میں قیام کیا اور ہوٹل کے سامنے تائیوان کے چین سے اتحاد کے حامی مظاہرین نے ان کا استقبال کیا۔لائی کے سوشل میڈیا پیج سے جاری کردہ بیان کے مطابق وہ امریکہ میں مقیم تائیوان کے شہریوں کے ساتھ ملاقات کریں گے۔تائیوان کے نائب صدر کا پیراگوئے جاتے ہوئے نیویارک میں قیام چین کے ردعمل کا سبب بنا تھا۔بیجنگ، واحد چین کے اصول پر زور دیتا ہے۔ تائیوان کے دیگر ممالک کے ساتھ ملکی بنیادوں پر سفارتی تعلقات قائم کرنے اور اقوام متحدہ اور دیگر بین الاقوامی تنظیموں میں نمائندگی حاصل کرنے کے خلاف ہے اور تائیوان کو تسلیم کرنے والے ممالک سے تائیوان کے ساتھ سفارتی تعلقات منقطع کرنے کا طلبگار ہے۔
