اسلام آباد: ترکی کے وزیر خارجہ مولود جاویش أوغلو منگل کو پاکستان کا دورے پر ہوں گے ۔پاکستان کی وزارت خارجہ نے یہ اطلاع دی ہے ۔وزارت خارجہ نے بیان جاری کرکے بتایا کہ مسٹر مولود جاویش أوغلو دو دن کے دورے پر منگل کو وفد کے ساتھ پاکستان پہنچیں گے ۔ اس دوران وہ پاکستان کے اپنے ہم منصب شاہ محمود قریشی کے ساتھ دو طرفہ میٹنگ کریں گے اور وزیراعظم عمران خان اور صدر عارف علوی کے ساتھ ملاقات کریں گے ۔
