حیدرآباد۔ 7اپریل (یواین آئی) ضلع سنگاریڈی پٹن چیرو میں پیش آئے سڑک حادثہ میں تین افراد ہلاک ہوگئے ۔پولیس کے مطابق مغربی بنگال سے تعلق رکھنے والے 20سالہ اشیش موجیندر ، شیوناتھ اورگول دیپ بہادر، پٹن چیرو چٹکوردیہات سے ٹووہیلر پر بیرم گوڑہ روانہ ہوئے ، اسی دوران امین پور منڈل کے کرشناریڈی پیٹ کے رہنے والے 21سالہ شیوا اور21سالہ اجیت،اپنی بائیک پر پٹن چیرو سے روانہ ہوئے ، ان نوجوانوں کی بائیکس ایک دوسرے سے متصادم ہوگئیں۔ حادثہ میں اشیش،شیوا اور اجیت زخمی ہوگئے ۔ان کو ہاسپٹل منتقل کیاگیا ۔ جہاں ان کی موت ہوگئی۔
