بیجاپور/بستر: چھتیس گڑھ کے جنوبی بستر میں نکسلی فورسز کے خلاف گزشتہ 48 گھنٹوں سے ایک بڑا مشترکہ آپریشن جاری ہے ۔ سرکاری اطلاعات کے مطابق اب تک 5 نکسلی مارے جا چکے ہیں اور جدید ہتھیاروں اور دھماکہ خیز مواد کا بھاری ذخیرہ برآمد کیا گیا ہے ۔ اس دوران سیکورٹی فورسز نے 100 سے زائد بارودی سرنگوں کا سراغ لگا کر ناکارہ بنا دیا۔ پولیس ذرائع کے مطابق مارے گئے نکسلیوں کی لاشیں برآمد کر لی گئی ہیں۔
سیکورٹی فورسز نے علاقے میں اب تک کا سب سے بڑا انسداد نکسل آپریشن شروع کیا ہے ، جس میں مرکزی سیکورٹی فورسز، کوبرا بٹالین، ڈسٹرکٹ ریزرو پولیس فورس، چھتیس گڑھ آرمڈ فورس اور مہاراشٹرا اور تلنگانہ کے ایلیٹ سی شاٹ کمانڈر یونٹس سمیت متعدد فورسز کے تقریباً 5000 اہلکار شامل ہیں۔
