دہلی اسٹیٹ حج کمیٹی کے دفترمیں حج2021 و انتظامی امور کے تعلق سے ایک میٹنگ کا انعقاد کیا گیاجس میں حج2021کے تعلق سے تفصیلی بات کی گئی کہ حج کے فارم جمع کرنے کا مرحلہ مکمل ہو چکا ہے۔اب صرف حکومت سعودیہ اور حکومت ہند کی جانب سے مزید ہدایات کا انتظار ہے۔ جیسے ہی مزید ہدایات موصول ہونگی اگلا قدم اٹھایا جائے گا۔میٹنگ میں قرعہ اندازی کے تعلق سے فیصلہ ہوا کہ جب تک سعودی حکومت کا حکومت ہند کے ساتھ معاہدہ نہیں ہوجاتاتب تک کوٹہ مقرر نہیں کیا جاسکتا اور حج کمیٹی کی جانب سے قرعہ اندازی کی تاریخوں کا اعلان نہیں کیا جاسکتا۔میٹنگ میں مزیدطے پایا کہ جیسے ہی حج کمیٹی آف انڈیا کی جانب سے اس نوعیت کا اعلان آئے گا،فوراً میٹنگ کرکے مناسب فیصلہ کئے جائیں گے۔میٹنگ میں حج منزل میں COVID-19کے مد نظر حکومت کی جانب سے جاری کردہ گائیڈ لائن کے مطابق عازمین حج کے لیے کیے گئے انتظامات اور ترقیاتی کاموں کا بھی جائزہ لیاگیا۔
