اسلام آباد، 21 ستمبر (یو این آئی) پاکستان کے سابق وزیرِ اعظم عمران خان کی تین بہنیں گرفتار کر لی گئیں۔پاکستان تحریکِ انصاف کے ترجمان زلفی بخاری نے اپنے ایکس اکاؤنٹ پر کہا کہ پنجاب پولیس نے علیم خان کے گھر پر چھاپہ مارا اور عمران خان کی دو اور بہنوں کو بھی حراست میں لیا، نیز ان کے بھتیجوں اور ان کے بچوں کو بھی پکڑ لیا۔پی ٹی آئی کے سیکرٹری اطلاعات کے شیخ وقاص اکرم نے بتایا کہ عمران خان کی بہنیں اور بچے حراست میں لیے گئے تھے تاہم بچوں کو بعد میں رہا کر دیا گیا۔اکرم نے کہا کہ تینوں خواتین کو لاہور کی کوٹ لکھپت جیل منتقل کر دیا گیا ۔اتوار کو لاہور کے ڈپٹی کمشنر نے تین بہنوں کو پنجاب کے عوامی نظم و نسق کے قوانین کے تحت 30 دن کیلئے حراست میں رکھنے کا حکم دیا تھا۔تحریکِ انصاف نے 27 ستمبر کو ایک احتجاجی مظاہرہ کرنے کی اپیل کی تھی۔وزیر اطلاعات عطا اللہ تارڑ نے کہا کہ احتجاج غیر قانونی ہے اور وارننگ دی کہ ‘ہم انہیں راستے بند کرنے اور عوام کی زندگی متاثر کرنے کی اجازت نہیں دیں گے ‘۔عمران خان، جو 2023 سے جیل میں ہیں، کو بدعنوانی کے الزامات کے سلسلے میں اہلیہ کے ہمراہ 17 سال قید کی سزا سنائی گئی تھی ۔
