شملہ: ہماچل کے وزیر اعلیٰ ٹھاکر سکھویندر سنگھ سکھو نے کہا کہ ریاست کو شدید مالی چیلنجوں کا سامنا ہے لیکن ریاستی حکومت پالیسی میں تبدیلی اور نئے قوانین کے ذریعے حالات کو قابو میں رکھنے کی کوشش کر رہی ہے ۔ سکھو نے یہاں گیٹی تھیٹر میں ڈرامے ‘راوی پار’ کے اسٹیج میں مہمان خصوصی کی حیثیت سے شرکت کرتے ہوئے یہ بات کہی۔ یہ پروگرام ریکریشن آرٹ اینڈ کلچرل کلب، ہماچل پردیش سکریٹریٹ، دی لٹل گروپ کلب اور محکمہ زبان، فن اور ثقافت کے مشترکہ زیر اہتمام منعقد کیا گیا تھا۔ اس دو روزہ پروگرام سے حاصل ہونے والی آمدنی ڈیزاسٹر ریلیف فنڈ میں فراہم کی جائے گی۔وزیر اعلیٰ نے ڈرامے کو بہتر انداز میں پیش کرنے پر ہماچل پردیش سکریٹریٹ کے عملے کی تعریف کی۔ انہوں نے کہا کہ ریاست کو شدید مالی چیلنجوں کا سامنا ہے لیکن ریاستی حکومت پالیسی تبدیلیوں اور نئے قوانین کے ذریعے حالات کو قابو میں لانے کی کوشش کر رہی ہے ۔ انہوں نے کہا کہ حکومت وسائل کو متحرک کرنے پر توجہ مرکوز کر رہی ہے اور سب کے تعاون سے ہماچل اگلے چار سالوں میں خود انحصاری اور دس برسوں میں ملک کی سب سے خوشحال ریاست بن کر ابھرے گا۔
