نئی دہلی: خالصتانی دہشت گرد اور ممنوعہ علیحدگی پسند تنظیم سکھ فار جسٹس کے سربراہ گروپتون سنگھ پنن کے خلاف بڑے پیمانے پر کریک ڈاؤن کے ایک دن بعد، قومی تحقیقاتی ایجنسی نے برطانیہ، امریکہ، کینیڈا اور دبئی میں مقیم 19 مفرور خالصتانی دہشت گردوں کی فہرست تیار کی ہے۔ ذرائع نے بتایا کہ پاکستان اور دیگر ممالک کو مفرور دہشت گردوں کی جائیدادیں بھی ضبط کیے جانے کا امکان ہے۔ سکیورٹی ادارے برسوں سے ان کا تعاقب کر رہے ہیں۔یہ کارروائی سخت انسداد دہشت گردی قانون UAPA کے تحت کی جائے گی۔ ان دہشت گردوں پر بیرون ملک سے ہندوستان مخالف پروپیگنڈہ چلانے کا الزام ہے۔ فہرست میں برطانیہ میںمقیم پرمجیت سنگھ پما، پاکستان میں مقیم ودھوا سنگھ ببر عالیہ چاچا، برطانیہ میں کلونت سنگھ متھرا، امریکہ میں جے دھالیوال، سکھ پال سنگھ برطانیہ، ہرپریت سنگھ کے علاوہ ہرجاپ سنگھ عرف جپی سنگھ کیلیفورنیا( امریکہ) رنجیت سنگھ نیتا لاہور( پاکستان) گرمیت سنگھ عرف بگا عرف بابا، گرپریت سنگھ عرف باغی(برطانیہ) ‘ جسمیت سنگھ حکیم زادہ (دبئی )ں، گرجنت سنگھ ڈھلون (آسٹریلیا) ، لکھبیر سنگھ روڈ یورپ اور کینیڈا ، امردیپ سنگھ پوریوال کیلیفورنیا، یو ایس، جتندر سنگھ گریوال کینیڈا میں، دوپندر جیت (برطانیہ) ، ایس ہمت سنگھ( نیویارک) وغیرہ شامل ہیں۔این آئی اے نے کل پنجاب کے چندی گڑھ میں پنن کے گھر پر قبضہ کر لیا تھا اور امرتسر میں ان کی ملکیتی زمین کو ضبط کر لیا تھا۔ پنن، جسے پنجاب میں 22 فوجداری مقدمات کا سامنا ہے، جن میں بغاوت کے تین مقدمات بھی شامل ہیں نے حال ہی میں انڈو کینیڈین ہندوؤں کو ملک چھوڑنے اور ہندوستان واپس آنے کی دھمکی دی تھی۔ سکھس فار جسٹس نے کینیڈا اور آسٹریلیا میں ریفرنڈم بھی کروایا ہے۔ حکومت ہندنے نام نہاد ریفرنڈم کو ‘بدقسمتی’ قرار دیتے ہوئے کینیڈین حکومت سے کہا ہے کہ وہ اس کے خلاف کارروائی کرے۔
