چیف جسٹس انڈیا این وی رمنا نے کہا کہ ہمیں عدلیہ میں خواتین کی 50 فیصد نمائندگی کی ضرورت ہے۔ ملک کے تمام لاء اسکولوں میں کچھ فیصد ریزرویشن کے مطالبے کی تائید کرنے کی سختی سے سفارش کرنے کی ضرورت ہے۔یہ خواتین کا حق ہے۔وہ یہ مطالبہ کرنے کے حقدار ہیں۔ چیف جسٹس نے یہ بات سپریم کورٹ کی خواتین وکلاء سے خطاب کرتے ہوئے کہی۔وہ سپریم کورٹ کے 9 نئے ججوں کے لیے منعقدہ اعزاز تقریب سے خطاب کر رہے تھے۔چیف جسٹس نے کہا کہ یہ ہزاروں سالوں سے جبر کا مسئلہ ہے۔نچلی عدلیہ میں 30 فیصد سے کم جج خواتین ہیں۔ہائی کورٹ میں 11.5 فیصد خواتین ججز ہیں۔جبکہ سپریم کورٹ میں صرف 11-12 فیصد خواتین ججز ہیں 33 میں سے صرف چار۔جبکہ ملک میں 17 لاکھ وکیل ہیں ، ان میں سے صرف 15 فیصد خواتین ہیں۔ انہوں نے کہا کہ ریاستوں کی بار کونسلوں میں منتخب نمائندوں میں سے صرف 2 فیصد خواتین ہیں۔ میں نے یہ مسئلہ اٹھایا کہ بار کونسل آف انڈیا نیشنل کمیٹی میں ایک بھی خاتون نمائندہ کیوں نہیں ہے؟ ان مسائل کی فوری اصلاح کی ضرورت ہے۔
