بھوپال: نیشنل اسٹوڈنٹس یونین آف انڈیا کے ممبروں نے بدھ کے روز بی جے پی کے ممبر پارلیمنٹ پرگیہ سنگھ ٹھاکر کے خلاف نعرے لگائے جب انہوں نے بھوپال کی مکھن لال چورتویدی یونیورسٹی کا دورہ کیا۔
ویڈیو میں ممبران نعرے لگاتے ہوئے دیکھے جاسکتے ہیں ”دہشتگرد واپس جاؤ“ اور “پرگیہ ٹھاکر واپس جاؤ”۔
مزید یہ نعرے بھی لگے کہ گاندھی کے قاتل گوڈسے کی عاشق واپس جاو۔
رکن پارلیمنٹ نے طلبہ سے ملاقات کے لئے کیمپس کا دورہ کیا تھا جو حاضری کے معاملے سے متعلق یونیورسٹی کے فیصلے کے خلاف ’دھرنا‘ پر تھے۔
واقعہ کے بعد پرگیہ نے کہا ، ”این ایس یو آئی کے ممبروں نے نعرے لگائے کہ میں ایک دہشت گرد ہوں۔ یہ نعرے غیر قانونی اور غیر تسلیم شدہ ہیں۔ کسی کو آئینی عہدے پر گالیاں دینا اور سنیاسی عورت کی توہین کرنا غیر فطری اور ملک مخالف ہے۔ میں اس پر ضرور اقدام اٹھاوں گی۔
دہلی سے بھوپال جاتے وقت اسپائس جیٹ میں پرواز کے دوران نشست کی الاٹمنٹ کے معاملے میں پرگیا ٹھاکر اور دیگر افراد کے درمیان حال ہی میں جھگڑا ہوا تھا۔