نئی دہلی، 14 مئی (یواین آئی) رات دہلی کے رانی باغ علاقے میں ایک چلتی سلیپر بس میں 30 سالہ خاتون کو اغوا کرکے اس کے ساتھ اجتماعی عصمت ریزی کی گئی۔ پولیس نے بس کو ضبط کر لیا اور مقدمہ درج کرکے ملزمان کی تلاش شروع کر دی ہے ۔متاثرہ خاتون پریتم پورہ کی رہائشی ہے اور منگول پوری کی فیکٹری میں کام کرتی ہے ۔ شفٹ ختم کرنے کے بعد وہ گھر جا رہی تھی ۔ اس نے ایک مقام پر بس کے عملہ سے وقت پوچھا جس پر اسے بس میں گھسیٹ کر یرغمال بنالیا گیا اور دو گھنٹوں تک اس کی اجتماعی عصمت ریزی کی گئی ۔
