راہل گاندھی کرینگے وادی کشمیر کا دورہ، ستیہ پال ملک کا چلینج کیا قبول

,

   

کانگریس کے وایناڈ (کیرلا)رکن پارلیمان اور سابق پارٹی صدر راہل گاندھی نے جموں و کشمیر کے گورنر ستیہ پال ملک کے چیلنج کو قبول کر لیا ہے۔ راہل گاندھی نے ٹوئٹ کرتے ہوئے کہا ہے کہ “اپوزیشن لیڈروں کا ایک گروپ اور میں جموں و کشمیر اور لداخ کا جائزہ لینے سے متعلق آپ کی دعوت کو قبول کرتے ہیں۔”

راہل گاندھی نے اپنے ٹوئٹ میں یہ بھی لکھا ہے کہ اس دورہ کے لیے ہمیں کسی خاص طیارے کی ضرورت نہیں ہے، بس آپ وادی میں ہمارے گھومنے اور عام لوگوں سے ملنے کی آزادی کو یقینی کر دیں۔ وہ مزید لکھتے ہیں کہ “گورنر مین اسٹریم لیڈروں اور وہاں تعینات جوانوں سے ہماری ملاقات کو یقینی بنائیں۔”

اس سے قبل راہل گاندھی پریس کانفرنس کےذریعے وادی میں تشدد کی خبریں آنے کی باتیں کہی تھی۔ انھوں نے میڈیا کے حوالے سے خبروں کا تذکرہ کرتے ہوئے کہا تھا کہ کچھ جگہوں پر تشدد کی خبریں مجھے ملی ہیں۔ انھوں نے یہ بھی کہا تھا کہ اس سلسلے میں پی ایم مودی کو عوام کے سامنےاس معاملے پر اظہار خیال کرنا چاہیے۔ راہل گاندھی کے اسی بیان پر جموں و کشمیر کے گورنر ستیہ پال ملک نے کہا تھا کہ وہ کانگریس کے سابق صدر کو وادی کا دورہ کرانے اور زمینی حالات کا جائزہ لینے کے لیے طیارہ بھیجیں گے۔

مگر راہل گاندھی نے کہا تھا اسکی کوئی ضرورت نہیں ہے، وہ خود آرہے ہیں، اس سے پہلے راہل گاندھی سمیت کئی اپوزیشن لیڈران کو انے کی اجازت نہیں تھی مگر ستیہ پال نے یو ٹرن لیا اور کہا کہ اپ بغیر کسی شرط کے آسکتے ہیں۔ راہل گاندھی نے کہا کہ آپ کو اپ کی بات پر قائم رہنا چاہیے، واضح رہے کہ راہل گاندھی وہاں کے علاقائی لیڈران سے بھی ملاقات کریں گے۔