سڈنی۔ ہندوستانی اوپنر اور آئی پی ایل کے سب سے کامیاب کپتان روہت شرما نے آسٹریلیا کے خلاف ٹی20 سیریز جیتنے پر ٹیم کو مبارکباد دی ہے ۔ہندوستان نے آسٹریلیا کے خلاف تین میچوں کی ٹی 20 سیریز کے دوسرے میچ میں آسٹریلیا کے خلاف سیریز میں 2-0 کی ناقابل شکست برتری حاصل کرلی ہے ۔ہندوستانی ٹیم کی اس عظیم فتح کے بعد ہر طرف سے ان کی تعریف کی جارہی ہے ۔ ایسی صورتحال میں روہت شرما ، جو آئی پی ایل میں ممبئی کو خطاب جیت دلانے کے بعد سے پرسکون تھے ، نے بھی ٹویٹ کیا اور ٹیم کی جیت پر مبارکباد دی۔
