نئی دہلی: سابق مرکزی وزیر اور اوڈیشہ کے سرکردہ لیڈر شریکانت جینا گھر واپس کرتے ہوئے پھر سے کانگریس میں شامل ہوگئے ہیں۔اوڈیشہ کے کانگریس جنرل سکریٹری انچارج ڈاکٹر اجے کمار نے بدھ کو یہاں پارٹی ہیڈکوارٹر میں ایک پریس کانفرنس میں مسٹر جینا کو انگ وستر پہنا کر کانگریس میں شامل کیا۔ڈاکٹر کمار نے کہا کہ مسٹر جینا اوڈیشہ کے مضبوط لیڈر ہیں اور ان کی غیر موجودگی نہ صرف ان کے حلقہ بالاسور بلکہ پورے اوڈیشہ میں کانگریس کے لیے مسائل پیدا کر رہی تھی لیکن یہ خوشی کی بات ہے کہ مسٹر جینا دوبارہ کانگریس میں شامل ہو گئے ہیں اور پارٹی سے ان کی تمام شکایات دور کردی گئی ہیں۔
