حیدرآباد: 18 نومبر (سیاست نیوز) سونا اور چاندی خریدنے کا ارادہ رکھنے والوں کیلئے راحت بھری خبر ہے۔ ملکی بازار میں سونے اور چاندی کی قیمتوں میں بھاری کمی آئی ہے۔ کچھ عرصے سے قیمتوں میں اضافے کی وجہ سے خریداری سے ہچکچانے والے صارفین کو اس تازہ کمی سے کچھ راحت ملی ہے۔ بدھ کے روز 24 قیراط کے 10 گرام سونے کی قیمت میں یکمشت 2,780 روپے کی کمی ہوئی، جبکہ 22 قیراط سونے کی قیمت میں 2,350 روپے کی کمی آئی۔ چاندی کی قیمت بھی بھاری حد تک گر گئی۔ فی کلو چاندی پر 5,000 روپے کی کمی سے خریداروں کو راحت ملی ہے۔ گڈ ریٹرنز ویب سائٹ کی تفصیلات کے مطابق، بدھ کے روز 24 قیراط کے 10 گرام سونے کی قیمت 2,780 روپے کم ہو کر 1,33,260 روپے ہو گئی۔ اس سے پہلے کی قیمت کے مقابلے میں یہ کمی نمایاں ہے۔ یہ کمی ایسے وقت میں ہوئی ہے جب سونا خریدنے کے خواہش مند افراد قیمتوں میں تبدیلیوں پر گہری نظر رکھے ہوئے ہیں۔ عام طور پر زیورات کی تیاری میں استعمال ہونے والے 22 قیراط سونے کی قیمت بھی کم ہو گئی ہے۔ 10 گرام 22 قیراط سونے پر 2,550 روپے کی کمی کے بعد قیمت 1,22,150 روپے پر آ گئی ہے۔ تہواروں، مبارک تقریبات اور شادیوں کیلئے سونا خریدنے کا ارادہ رکھنے والوں کے لیے قیمتوں میں یہ کمی کسی حد تک راحت کا باعث بن گئی ہے۔ سونے کے ساتھ ساتھ چاندی کی قیمت میں بھی بھاری کمی آئی ہے۔ فی کلو چاندی پر یکمشت 5,000 روپے کی کمی کے بعد قیمت 1.85 لاکھ روپے تک پہنچ گئی ہے۔ سونے اور چاندی دونوں کی قیمتیں ایک ہی دن کم ہونے سے خریداروں میں دلچسپی پیدا ہوئی ہے۔ زیورات اور چاندی کی اشیاء خریدنے کے خواہشمند افراد تازہ قیمتوں کا جائزہ لے رہے ہیں۔1