نئی دہلی: سپریم کورٹ نے جمعہ کو یمنا کے سیلابی میدان کے قریب گیتا کالونی میں واقع قدیم شیو مندر کو منہدم کرنے کے حکم کو برقرار رکھا۔جسٹس سنجے کمار اور جسٹس آگسٹین جارج مسیح کی چھٹیوں کی بنچ نے دہلی ہائی کورٹ کے حکم میں مداخلت کرنے سے انکار کر دیا۔بنچ نے کہاکہ قدیم مندر کی تعمیر کے آغاز کا ثبوت کہاں ہے، قدیم مندر پتھروں سے بنائے گئے تھے نہ کہ سیمنٹ سے اور نہ ہی پینٹ کیے گئے تھے۔ہائی کورٹ نے 29 مئی کو کہا تھا کہ بھگوان شیو کو کسی کے تحفظ کی ضرورت نہیں ہے اور اس نے دریائے جمنا کے کنارے غیر مجاز طریقے سے تعمیر کیے گئے مندر کو ہٹانے سے متعلق درخواست میں انہیں (لارڈ شیوا) کو پارٹی بنانے سے انکار کر دیا ہے۔ہائی کورٹ نے گیتا کالونی میں زیر آب علاقے کے قریب واقع قدیم شیو مندر کو منہدم کرنے کے حکم کو مسترد کرتے ہوئے کہا تھا کہ اگر تمام تجاوزات اور غیر مجاز تعمیرات کو دریائے جمنا کے کناروں اور زیر آب آنے والے علاقے سے ہٹا دیا جائے تو بھگوان شیو زیادہ خوش ہوں گے۔درخواست گزار ‘‘Ancient Shiva Temple اور Akhara Samiti’’ نے دعویٰ کیا تھا کہ مندر روحانی سرگرمیوں کا مرکز ہے اور 300 سے 400 عقیدت مند باقاعدگی سے آتے ہیں، درخواست میں دعویٰ کیا گیا تھا کہ سوسائٹی کو 2018 میں مندر کی جائیداد کی شفافیت، جوابدہی اور ذمہ دارانہ انتظام کو برقرار رکھنے کے لیے رجسٹر کیا گیا تھا۔ہائی کورٹ نے کہا تھا کہ متنازعہ زمین وسیع عوامی مفاد کی ہے اور کمیٹی (درخواست گزار) اس پر قبضہ کرنے اور اس کا استعمال جاری رکھنے کے کسی بھی حق کا دعویٰ نہیں کر سکتی۔
