ممبئی ۔بالی ووڈ سوپر اسٹار شاہ رخ خان اپنی فلموں سے مداحوں کو بھرپور تفریح فراہم کرتے ہیں۔ اداکار نے سال 2023 میں فلم پٹھان کے ساتھ زبردست واپسی کی ہے۔ شائقین اداکارکو منفی کرداروںمیں دیکھنا پسند کرتے ہیں۔ شاہ رخ خان خود بھی ایسے کرداروں میں بہت اچھا کام کرتے ہیں اور ان کی فلمیں بھی چلتی ہیں۔ جب لوگوں کو معلوم ہوا کہ فرحان اختر کی ڈان 3 میں شاہ رخ خان نہیں ہوں گے تو سب بہت اداس ہوگئے لیکن اب اس فلم کے حوالے سے تازہ ترین خبر سامنے آئی ہے۔ اگرچہ شاہ رخ اب ڈان فرنچائزکا حصہ نہیں رہے لیکن اب وہ ایک اورفلم میں ایسا کردار اداکرسکتے ہیں۔ ان کے کردار کے حوالے سے بھی ایک بڑا اپ ڈیٹ سامنے آیا ہے۔ بالی ووڈ سوپر اسٹار شاہ رخ خان بھلے ہی انڈسٹری میں رومانس کے بادشاہ مانے جائیں لیکن ان کے منفی کردار بھی بہت پسند کیے جاتے ہیں۔ انہوں نے بازیگر، ڈراور رئیس جیسی فلموں میں ایسے کردار ادا کیے ہیں اورانہیں ڈان اور ڈان 2 میں اتنا ہی پسند کیا گیا جتنا کسی اور فلم میں پسند کیا گیا ہو۔ رنویر سنگھ کے ڈان بننے کے بعد مداح کافی مایوس ہوگئے کیونکہ رنویر نے فلم میں شاہ رخ کی جگہ لی تھی اور ان کا کردار ختم ہوگیا تھا لیکن اب شاہ رخ خان بیٹی سہانا خان کی فلم کنگ میں ڈان کے کردار میں واپسی کرنے جارہے ہیں۔ اس فلم میں ان کا لک بھی ڈیزائن کیا گیا ہے۔ خیال کیا جاتا ہے کہ فلم میں ان کے کردارکی داڑھی ہوگی اور بال بھی لمبے ہوں گے۔ رپورٹس کے مطابق شاہ رخ خان ہمیشہ سے ہی ایسے کردار ادا کرتے رہے ہیں۔ اس بار وہ یہ کردارکنگ نام کی فلم میں نبھائیں گے۔ یہ فلم سدھارتھ آنند اور سوجوئے گھوش مل کر بنا رہے ہیں۔ فلم کے ایکشن کے حوالے سے ابھی منصوبہ بندی بھی جاری ہے۔ کہا جا رہا ہے کہ اسٹنٹ ٹیم بیرون ملک سے آئے گی۔ وہ سہانا کے ساتھ ایکشن سیکوئنس کی تربیت بھی لے رہے ہیں۔ فلم کا ڈائیلاگ ڈرافٹ بھی تیار ہے۔ آپ کو بتاتے چلیں کہ یہ فلم سہانا خان کی تھیٹر میں ڈیبیو ہے۔
