مدھیہ پردیش: شادی کی تقریب سے واپسی کے دوران ایک ہی کنبہ کے 5افراد سمیت 6 کی موت

,

   

مدھیہ پردیش کے ضلع اشوك نگر ہیڈکوارٹر سے تقریبا 7 کلومیٹر دور ایک سڑک حادثے میں شادی کی تقریب سے لوٹ رہے ایک ہی کنبہ کے پانچ افراد سمیت چھ کی موت ہو گئی۔ یہ حادثہ کل دیر رات اشوك نگر-ودیشا روڈ پر ہوا- مرنے والوں میں پانچ آدیواسی برادری کے لوگ ہیں۔

دیہات تھانہ پولیس کے مطابق گزشتہ رات اشوك نگر-ودیشا روڈ پر واقع ٹول ناكے سے تقریبا ایک کلو میٹر آگے ایک ڈمپر نے سامنے سے آ رہے آٹو کو اپنی زد میں لے لیا۔ حادثے میں پانچ افرادکی موقع پر ہی موت ہو گئی تھی، جبکہ آٹو ڈرائیور کی موت ضلع اسپتال میں علاج کے دوران ہوئی۔حادثے کے بعد ڈمپر ڈرائیور جائے حادثہ سے فرار ہو گیا۔

بتایا جا رہا ہے کہ جائے حادثہ کے قریب ٹول ناکہ پر نصب سی سی ٹی وی کیمروں کے ذریعہ ڈمپر کی شناخت کر لی گئی ہے. ٹکر اتنی شدید تھی آٹو روڈ سے تقریباً 20 فٹ دور کھیت میں جا گرا۔ حادثے میں ہلاک ہونے والے سبھی افرادكريلا مندر میں منعقد شادی کی تقریب سے واپس لوٹ رہے تھے۔ہلاک شدگان سیجي گاؤں کے رہنے والے ہیں، جبکہ ڈرائیور شاڑھورا تھانہ علاقہ کے پہاڑا گاؤں کا رہنے والا ہے۔

مہلوکین میں میں دو خواتین اور باقی مرد ہیں۔ مرنے والوں کی شناخت راج کمار آدیواسی (15)، کیلاش آدیواسی (35)، بھيالال آدیواسی (35)، شیلا آدیواسی (35)، وتي آدیواسی (40) اور آٹو ڈرائیور بارےلال اہروار (35) کے طور پر ہوئی ہے۔

اشوك نگر کے تحصیلدار اسرار خان نے بتایا کہ حادثہ میں پانچ مردوں کو ٹرائبل ویلفیئر محکمہ کی جانب سے 15 ہزار روپے اور سمبل منصوبہ کے تحت آخری رسومات کے لئے پانچ ہزار روپے حکومت کی طرف سے دیئےجا رہے ہیں۔