نئی دہلی،7 اپریل (یواین آئی ) انڈین پریمیئر لیگ (آئی پی ایل)2026 میں چہارشنبہ کو ہونے والے مقابلے میں دہلی کیپیٹلز کا مقابلہ گجرات ٹائٹنز سے ہوگا۔ دہلی کی ٹیم اپنے ابتدائی دونوں میچ جیت کر پُراعتماد ہے ، جبکہ گجرات ٹائٹنزکو اب بھی ٹورنمنٹ میں اپنی پہلی کامیابی کا انتظار ہے ۔اگرچہ موجودہ فارم دہلی کے حق میں ہے ، لیکن ماضی کے ریکارڈز گجرات کی برتری کی کہانی سناتے ہیں۔ دونوں ٹیموں کے درمیان اب تک 7 میچز ہوئے ہیں، جن میں گجرات نے 4 اور دہلی نے 3 جیتے ہیں۔ دہلی میں کھیلے گئے3 میچوں میں بھی گجرات2-1 سے آگے ہے ۔ گزشتہ سیزن کے دونوں مقابلوں میں گجرات نے دہلی کو شکست دی تھی۔گجرات کے کپتان کے ایل راہول کے لیے سیزن کا آغاز مایوس کن رہا ہے ۔ دہلی کے فاسٹ بولرکگیسو ربادا اور پرسدھ کرشنا ان کے لیے ڈراونا خواب ثابت ہو سکتے ہیں۔ دونوں گیند باز راہول کو3-3 بارآؤٹ کر چکے ہیں۔ مزید ، مڈل اوورز میں راشد خان بھی راہول کو3 بار پویلین بھیج چکے ہیں۔ ٹی20 ورلڈکپ سے بہترین فارم میں موجود دہلی کے لونگی اینگیڈی گجرات کے ٹاپ آرڈرکے لیے مشکل کھڑی کر سکتے ہیں۔ انہوں نے شبمن گل کو4 اننگز میں2 بارآؤٹ کیا ہے ، جبکہ بٹلر بھی ان کے خلاف3 بار وکٹ گنوا چکے ہیں۔گجرات کے جارحانہ بیٹر بٹلرکو دہلی کی تجربہ کار اسپن جوڑی اکشر پٹیل اور کلدیپ یادو سے ہوشیار رہنا ہوگا۔ یہ دونوں اسپنرز بٹلرکوفی کس2 بار آؤٹ کر چکے ہیں اور ان کے خلاف بٹلر کا اسٹرائیک ریٹ بھی کم رہتا ہے ۔دہلی کے فنشر ڈیوڈ ملرکے لیے راشد خان ایک بڑا چیلنج ہوں گے ، جنہوں نے ملرکو4 بارآؤٹ کیا ہے ۔ دوسری طرف، گجرات کے گلین فلپس کی اسپن کے خلاف کمزوری دہلی کے لیے فائدہ مند ثابت ہو سکتی ہے ۔کلدیپ اور اکشر، فلپس کو5 اننگز میں4-4 بار آؤٹ کر کے تقریباً پرفیکٹ ریکارڈ رکھتے ہیں جو شائقین کی دلچسپی کیلئے کافی ہے ۔ E/K
