وزیراعظم مزید ایک منٹ بھی اقتدار پررہنے کے اہل نہیں ، فوری مستعفی ہوجائیں
تل ابیب :9 ستمبر ( ایجنسیز ) اسرائیلی اپوزیشن رہنماؤں نے اسرائیلی صیہونی وزیراعظم نیتن یاہو کو نااہل قرار دیتے ہوئے ان سے مستعفی ہونے کا مطالبہ کردیا۔ اسرائیلی اخبارکی جانب سے اپنیصحافیوں کی شائع ہونے والی کتاب کے ایک اقتباس پر مبنی رپورٹ جاری کی گئی ہے جس میں بتایا گیا کہ متحدہ عرب امارات نے7 اکتوبر 2023 کو حماس کے حملے سے پہلے نیتن یاہوکو خبردار کر دیا تھا۔7 اکتوبر کے حملے سے قبل اماراتی صدر نے نیتن یاہو کو خبردار کیا تھا، اسرائیلی وزیراعظم نے انتباہ نظر انداز کیا: اسرائیلی اخباررپورٹ میں بتایا گیا ہے کہ اماراتی صدر محمد بن زاید النہیان نے حملے سے ڈیڑھ ہفتہ قبل نیتن یاہو سے بات کی تھی اور نیتن یاہو کو ا?گاہ کیا تھاکہ حماس بڑے آپریشن کی منصوبہ بندی کر رہی ہے۔امارات کی جانب سے7 اکتوبرکے حملے سے خبردار کیے جانیکی رپورٹ کے بعد اسرائیلی وزیراعظم نیتن یاہو شدید تنقید کی زد میں ہیں، اسرائیلی اپوزیشن رہنماؤں کا مطالبہ ہے کہ نیتن یاہو عہدے کے لیے نااہل ہیں، اس لیے فوری طور پر مستعفی ہو جائیں۔سابق اسرائیلی وزیراعظم نفتالی بینیٹ نے کہا کہ 7 اکتوبرحملے کی براہ راست ذمہ داری نیتن یاہو پر عائد ہوتی ہے، نیتن یاہو ایک منٹ کے لیے بھی اپنے عہدے پر مزید نہیں رہ سکتے۔ اسرائیلی وزیراعظم کے دفتر کی جانب سے اسرائیلی اخبارکی رپورٹ کی تردید کرتے ہوئے کہا گیا ہے کہ 7 اکتوبر سے قبل یو اے ای نے نیتن یاہوکوکوئی انتباہ نہیں دیا تھا۔ادھر متحدہ عرب امارات کی وزارت خارجہ کی جانب سے بھی رپورٹ پر تبصرہ سے گریز کیا گیا ہے، اماراتی وزارت خارجہ کا کہنا ہے کہ اسرائیل، یوایای کے درمیان کھلے اوربراہِ راست رابطے کے ذرائع موجود ہیں، تمام متعلقہ انٹیلی جنس معلومات متعلقہ اداروں کے درمیان شیئرکی جاتی رہی ہیں، امارات اسرائیل کے ساتھ انٹیلی جنس معلومات اب بھی جاری ہیں۔