نئی دہلی: وزیر اعظم نریندر مودی پیر کو صبح 11 بجے مرکزی وزارت تعلیم کے زیر اہتمام اس سال کے ’پریکشا پہ چرچا‘پروگرام سے خطاب کریں گے ، جس کے لیے ملک بھر میں ریکارڈ پانچ کروڑ سے زیادہ رجسٹریشن کیے گئے ہیں۔وزیر اعظم سالانہ اسکولی امتحانات سے پہلے ملک بھر میں امتحان دینے والوں، ان کے والدین اور اساتذہ سے خطاب کرتے ہیں تاکہ بچوں کو امتحانی دباؤ سے بچنے میں مدد ملے۔ یہ پروگرام طلباء اور ان کے والدین، اساتذہ کے ساتھ براہ راست رابطے اور ویڈیو کانفرنسنگ کے ذریعے منعقد کیا جاتا ہے۔ اتوار کو وزارت تعلیم کی طرف سے جاری کردہ ایک ریلیز کے مطابق امتحان پر بحث کا یہ پروگرام ایک بار پھر ایک انٹرایکٹو پلیٹ فارم کے طور پر کام کرے گا جہاں وزیر اعظم طلباء اور ان کے والدین، اساتذہ سے براہ راست بات چیت کریں گے۔
” ریلیز میں کہا گیا ہے کہ ہر ایڈیشن امتحان سے متعلق بے چینی سے نمٹنے کے جدید طریقوں پر روشنی ڈالتا ہے ، اس طرح سیکھنے اور زندگی کی طرف جشن منانے کے انداز کو اپنانے کو فروغ دیتا ہے ۔ یہ اس بحث کا نواں سالانہ ایڈیشن ہے ۔
