نئی دہلی: چھتیس گڑھ کے وزیر اعلی وشنو دیو سائی نے ہفتہ کو یہاں وزیر اعظم نریندر مودی سے ملاقات کی۔ سائی نے مودی سے ان کی رہائش گاہ 7، لوک کلیان مارگ پر ملاقات کی۔ ان کے ساتھ چھتیس گڑھ کے نائب وزیر اعلی ارون ساؤ اور وجے شرما بھی تھے ۔ وزیر اعظم کے دفتر نے بھی ایکس پر اپنی پوسٹ میں یہ معلومات شیئر کیں۔ قبل ازیں سائی اور دو نائب وزیر اعلیٰ نے نائب صدر جمہوریہ جگدیپ دھنکڑ سے بھی ان کی رہائش گاہ پر ملاقات کی۔ قابل ذکر ہے کہ چھتیس گڑھ میں کانگریس حکومت کو ہٹانے کے بعد، بھارتیہ جنتا پارٹی نے دوبارہ اپنی حکومت بنا لی ہے اور سائی کو اس حکومت کا سربراہ بنایا گیا ہے ۔ ایک دن پہلے جمعہ کو سائی نے اپنی کابینہ میں توسیع کرتے ہوئے نو وزراء کو شامل کیا ہے ۔
