حیدرآباد : /24 ڈسمبر (راست) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ جمادی الآخری 1444ھ زیرنگرانی حضرت مولانا سید محمد قبول بادشاہ قادری الشطاری معتمد صدر مجلس علماء دکن آج شام خانقاہ کامل مرکزی آستانہ شطاریہ دبیرپورہ میں منعقد ہوا ۔ شہر میں مطلع ابرآلود تھا ۔ البتہ ممبئی ، احمد آباد ، راجستھان اور دیگر مقامات سے عام رویت کی اطلاعات ملی ہیں ۔ لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ /25 ڈسمبر اتوار کو یکم جمادی الآخری ہوگی ۔ اس اجلاس میں حضرت مولانا سید محمد قبول بادشاہ قادری الشطاری ، حضرت مولانا سید حسن ابراہیم حسینی قادری سجاد پاشاہ ، حضرت مولانا سید محمود بادشاہ قادری زرین کلاہ ، حضرت مولانا شیخن احمد شطاری قادری کامل پاشاہ ، حضرت مولانا ڈاکٹر سید علی حسینی قادری علی پاشاہ ، جناب قاضی سید نور اللہ فاروق عارفی نے شرکت فرمائی ۔
شیعہ علماء کا بیان
٭٭ سید علی اصغر جعفری کی اطلاع کے مطابق کل ہند شیعہ مجلس علماء و ذاکرین نے اعلان کیا ہے کہ چاند نظر آگیا ۔ لہذا /25 ڈسمبر اتوار2022 ء کو یکم جمادی الثانی 1444ھ ہوگی ۔ اس کی تصدیق کرنے والے حسب ذیل علماء کرام مولانا سید نبی حسن زیدی ، مولانا ڈاکٹر سید نثار حسین حیدر آقا ، مولانا رضا عباس خاں ، مولانا سید جواد عابدی اور مولانا سید محب عابدشامل ہے ۔
