بھوپال: سینئر کانگریسی لیڈر اور مدھیہ پردیش کے راجیہ سبھا رکن ڈگ وجے سنگھ نے مرکزی حکومت کے نئے مقرر کئے گئے وزیر کی جانب سے نکالی جارہی آشیرواد یاتراؤں کی مخالفت کرتے ہوئے آج کہا کہ اس کی سب کو مخالفت کرنی چاہیے ۔سنگھ نے ٹوئٹ کے ذریعہ کہا کہ ملک میں مہنگائی، بے روزگاری کے مسائل انتہا پر ہیں۔ معیشت بگڑ رہی ہے ۔ سرکاری اثاثے فروخت کئے جارہے ہیں۔ دیگر طبقہ بھی پریشان ہے ۔ جمہوریت خطرے میں ہے ۔ ان حالات میں ‘مودی شاہ’ کے وزیر آشیرواد یاترا نکال رہے ہیں۔ انہوں نے الزام لگاتے ہوئے کہا کہ یہ آشیرواد یاترا نہیں، چند وصولی یاترا ہے اور اس کی مخالفت ہونی چاہیے ۔
