پانچ ریاستوں کے اسمبلی انتخابات میں کانگریس کی خراب کارکردگی کے بعد پارٹی میں جاری کشمکش کے درمیان پی چدمبرم جمعرات کو کھل کر گاندھی خاندان کی حمایت میں سامنے آئے۔ کانگریس کے سینئر لیڈر چدمبرم نے این ڈی ٹی وی سے بات کرتے ہوئے کہا کہ پارٹی کی حالیہ انتخابی شکست کے لیے اکیلے گاندھی خاندان کو ذمہ دار نہیں ٹھہرایا جا سکتا۔ انہوں نے G-23 یعنی کانگریس کے ناراض لیڈروں سے پارٹی کو تقسیم نہ کرنے کی بھی اپیل کی۔ چدمبرم نے کہا، “گاندھی خاندان نے (شکست کی) ذمہ داری قبول کی، جس طرح میں نے گوا اور دیگر ریاستوں میں شکست کی ذمہ داری قبول کی تھی۔”
