حیدرآباد ۔ /30 جون (سیاست نیوز) شہر میں ایک اور کرکٹ پر سٹہ بازی کے ریاکٹ کو بے نقاب کرتے ہوئے ٹاسک فورس پولیس نے دو سٹہ بازوں کو دھول پیٹ علاقہ سے گرفتار کرلیا ۔ بتایا جاتا ہے کہ 34 سالہ پریم سنگھ اور اس کا ساتھی 20 سالہ آکاش سنگھ اپنے مکان میں ورلڈ کپ 2019 ء پر سٹہ بازی چلارہے تھے ۔ ٹاسک فورس کو اس بات کی اطلاع ملنے پر رحیم پورہ علاقہ میں دھاوا کرتے ہوئے دونوں سٹہ بازوں کو گرفتار کرلیا اور ان کے قبضہ سے 35 ہزار نقد رقم ‘ لیاپ اور 8 موبائیل فون ضبط کرلئے ۔
