نئی دہلی۔ 6 نومبر(سیاست ڈاٹ کام)کانگریس کی جنرل سکریٹری پرینکا گاندھی نے معاشی کساد بازاری(مندی)کے سلسلے میں وزیراعظم نریندر مودی پر نکتہ چینی کرتے ہوئے کہا کہ بیرون ممالک جاکر ’ملک میں سب کچھ ٹھیک ہے‘ کہہ دینے سے حقیقت چھپائی نہیں جا سکتی ہے اور نہ ہی اس سے صورتحال میں کوئی بہتری آنے والی ہے۔ محترمہ واڈرا نے ٹویٹ کیا، ’بیرون ممالک جاکر سب چنگا سی کہنے سے سب ٹھیک تو نہیں ہوجائے گا۔ کہیں سے بھی روزگار بڑھنے ، نئے روزگار پیدا ہونے کی خبر نہیں آرہی ہے ۔ نامی،گرامی کمپنیوں نے اہلکاروں کو نکالنا شروع کر دیا ہے۔ چنگا سی بولنے والے۔ یکدم چپ سے کیوں؟‘ مودی حکومت پر بے روزگاری کے سلسلے میں حملہ کرنے والی محترمہ واڈرا نے اس ٹویٹ کے ساتھ ہی ایک خبر پوسٹ کی ہے جس میں بتایا گیاہے کہ کوگنی جینٹ کے بعد انفوسس بھی 12 ہزار اہلکاروں کی چھٹی کریگا۔
