نئی دہلی ۔ کووڈ ویکسینیشن مہم کے تحت ملک بھر میں 181.04 کروڑ سے زیادہ افراد کو کووڈ ویکسین لگائی گئی ہیں۔ مرکزی وزارت صحت اور خاندانی بہبود نے یہاں بتایا کہ ہفتہ کی صبح 7 بجے تک 181 کروڑ چار لاکھ 96 ہزار 924 افراد کو کووڈ ویکسین دی گئی ہیں۔ وزارت نے کہا کہ گزشتہ 24 گھنٹوں میں کووڈ وائرس کے دو ہزار 75 نئے مریض سامنے آئے ہیں۔ اس کے ساتھ ہی ملک میں کورونا کے فعال مریضوں کی تعداد گھٹ کر 27 ہزار 802 رہ گئی ہے ۔ یہ متاثرہ کیسز کا 0.06 فیصد ہے ۔ یومیہ کیسز کی شرح 0.56 فیصد تک پہنچ گئی ہے ۔ وزارت نے کہا کہ اسی مدت میں تین ہزار 383 مریضوں نے جان لیوا وبا سے شفایابی حاصل کی۔ اب تک مجموعی طور پر چار کروڑ 24 لاکھ 61 ہزار 926 لوگ کووڈ سے صحت یاب ہو چکے ہیں اور یہ شرح 98.73 فیصد ہے ۔ملک میں گزشتہ 24 گھنٹوں میں تین لاکھ 70 ہزار 514 کووڈ ٹسٹ کیے گئے ہیں اور اب تک کل 78 کروڑ 22 لاکھ 28 ہزار 685 کووڈ ٹسٹ کیے گئے ہیں۔
