نئی دہلی: کانگریس کے صدر ملکارجن کھڑگے ، سابق صدر راہول گاندھی اور پارٹی کی جنرل سکریٹری پرینکا گاندھی واڈرا نے آج پہلے وزیر اعظم پنڈت جواہر لال نہرو کو ان کی برسی پر خراج عقیدت پیش کیا۔ کھڑگے اور گاندھی نے صبح موسلا دھار بارش کے درمیان یہاں پنڈت نہرو کی سمادھی شانتی ون پہنچ کر ان کی سمادھی پر سر جھکایااور انہیں خراج عقیدت پیش کیا۔ اس دوران کانگریس کے خزانچی پون بنسل اور جنرل سکریٹری کے سی وینوگوپال کے ساتھ پارٹی کے کئی دوسرے بڑے لیڈروں اور کارکنوں نے بھی پہلے وزیر اعظم کو خراج عقیدت پیش کیا۔ پنڈت نہرو کو خراج عقیدت پیش کرتے ہوئے ، کھڑگے نے ٹویٹ کیا، 21 ویں صدی کے ہندوستان کا تصور پنڈت جواہر لال نہرو جی کے تعاون کے بغیر نہیں کیا جا سکتا۔ جمہوریت کے نڈر نگران، ان کے ترقی پسند نظریات نے چیلنجوں کے باوجود ہندوستان کی سماجی، سیاسی اور اقتصادی ترقی کو مضبوطی سے آگے بڑھایا۔ ہند کے جواہرکو میرا عاجزانہ خراج عقیدت۔ گاندھی نے کہا پنڈت جواہر لعل نہرو کی وراثت ہندوستان کے خیال اور اقدار کو روشن کرنے والے ایک مینار کی مانند ہے جنہوں نے اپنی زندگی آزادی، جمہوریت، سیکولرازم اور جدیدیت کے لیے وقف کردی۔ اس کا نقطہ نظر اور اقدار ہمیشہ ہمارے ضمیر اور اعمال کی رہنمائی کرتے ہیں۔ مودی پر طنز کرتے ہوئے محترمہ واڈرا نے کہا کہ ملک اس وقت نہیں اٹھتے جب چند لوگ اقتدار میں بیٹھتے ہیں، ملک اس وقت اٹھتے ہیں جب کروڑوں لوگ خوش ہوں اور ترقی کریں۔ ایسا خواب ہم نے دیکھا ہے ۔ پنڈت جواہر لال نہرو جی کی مقدس یادوں کے حوالے سے ۔
