جلد ہی ہندوستان تیسرے نمبر پر ہوگا، مرکزی وزیرمنجپاراکا بیان
نئی دہلی: آیوش اور خواتین و اطفال کی ترقی کے مرکزی وزیر مملکت ڈاکٹر مہندرا منجپارا نے کہا کہ 2047 سے پہلے ہندوستان کے عالمی لیڈر بننے کے بارے میں آج جو باتیں ہو رہی ہیں اس کے پیچھے سابق وزیر اعظم اٹل بہاری واجپائی کی منشا تھی۔ منجپارا نے یہاں کے وزیر اعظم میوزیم میں واجپائی کی یوم پیدائش پر تیسری بار اٹل گورو سمن اور پہلی بار بین الاقوامی اٹل ایوارڈ کے لیے منعقد تقریب میں کہا کہ آج ہندوستان عالمی معیشت میں پانچویں نمبر پر ہے اور جلد ہی ہندوستان تیسرے نمبر پر آجائے گا۔اس کے پیچھے بھی اٹل جی کا ہاتھ رہا ہے ۔ اٹل فاؤنڈیشن بھی ان کے نقش قدم پر چلتے ہوئے سماج کیلئے کام کر کے ملک کو آگے لے جانے میں مدد کر رہی ہے ۔ فاؤنڈیشن کا یہ قدم انتہائی قابل تحسین ہے ۔ اس بار ملک کے مختلف علاقوں سے موصول ہونے والی درخواستوں میں سے 35 درخواستوں کو اٹل گورو سمان کیلئے منتخب کیا گیا اور بین الاقوامی ایوارڈ کیلئے مختلف ممالک کے قابل امیدواروں سے 11 درخواستوں کو منتخب کیا گیا۔اٹل گورو سمان سے نوازا سے نوازے گئے کیرالا کے گیتا بابو نے کہاکہ میں یہ اعزاز حاصل کرکے بہت خوش ہوں۔
یہ ایوارڈ مجھے ضرورت مندوں کی خدمت کے لیے مزید ترغیب دے گا۔ اجے پولی پرائیویٹ لمیٹڈ کے ڈائریکٹر اونیش سنگھ بسین کو ’میک ان انڈیا‘زمرے میں ’بین الاقوامی اٹل سمان‘سے نوازا گیا۔
انہوں نے کہا کہ میں نے شروع سے ہی اٹل جی کے نقش قدم پر چلنے کی کوشش کی ہے ۔ میں یہ ایوارڈ حاصل کرکے بہت خوش ہوں۔ میں مستقبل میں بھی میک ان انڈیا کے لیے کام کرتا رہوں گا۔ نیپال کی بارہ سیٹ سے ایم پی کرشنا کمار شریستھا کو ‘بین الاقوامی اٹل سمان سے نوازا گیا۔ انہیں یہ اعزاز دو طرفہ امن کے زمرے میں دیا گیا۔ اس ایوارڈ کو حاصل کرنے کے بعد انہوں نے کہاکہ میں نے اٹل جی کے نظریات سے تحریک لے کر اپنے آپ کو سماج کے لیے وقف کر دیا ہے ۔ وہ بہت امن پسند تھے لیکن ان کی باتیں ہمارے دلوں کو چھوجاتی تھیں۔ وہ ہمیشہ سے ان کی حوصلہ افزائی کا ذریعہ رہے ہیں۔ مجھے خوشی ہے کہ مجھے بین الاقوامی اٹل ایوارڈ سے نوازا گیا ہے ۔ایوارڈ وصول کرتے ہوئے جنوبی کوریا سے ٹونی ال سپسیونگ نے کہاکہ یہ میرے لیے بڑے اعزاز کی بات ہے کہ مجھے جیوری نے اس ایوارڈ کے لیے منتخب کیا ہے ۔ میں اٹل جی کے اصولوں کی بھرپور حمایت کرتا ہوں اور انہیں بامعنی بنانے کے لیے کام کرتا رہوں گا۔ اٹل فاؤنڈیشن کے بشکریہ اٹل جی کی زندگی پر ہر سال ایک تقریب کا اہتمام کیا جاتا ہے ۔ بین الاقوامی سطح پر منتخب 11 درخواستوں میں سے چار بیرون ملک مقیم ہندوستانی شہریوں کو ‘بین الاقوامی اٹل ایوارڈ’ سے نوازا گیا۔
