یوپی۔ مسلم ڈوسا وینڈر پر ’معاشی جہاد‘ کے حوالے سے ماتھرا میں حملہ

اس واقعہ کا ویڈیو فیس بک پر اس شخص نے پوسٹ کیاجو ہجوم کی قیادت کررہاتھا
حیدرآباد۔ ڈوسا فروخت کرنے والے ایک مسلمانوں کو دائیں بازو گروپ کی نگرانی میں ایک ہجوم نے ماتھرا کے ویکاس بازار علاقے میں اپنی دوکان کا نام شری ناتھ ڈوسا سنٹر رکھنے پر بدزبانی کی اور پریشان بھی کیاہے۔

بعدازاں اس واقعہ کا ویڈیو فیس بک پر اس شخص دیوراج پنڈت نے پوسٹ کیاجو ہجوم کی قیادت کررہاتھا۔ اس ویڈیو میں دیوارج مسلم تاجر سے بحث کرتے ہوئے دیکھائی دے رہا ہے۔

وہ تاجر سے کہہ رہا ہے کہ ہندو دیو ی دیوتاؤں کے بجائے اللہ کے نام پر اپنی کھانے کی اسٹال رکھے۔ پنڈت تاجر سے بحث کرتا او رکہتا ہے کہ ”سب ہندو بھائی یہی سونچ کر ائیں گے کہ یہ ہندو کا اسٹال ہے“۔

پھر اس کے بعد ہجوم نے ڈوسا اسٹال درہم برہم کردیا اور نعرے لگائے کہ ”کرشنا بھگت اب یودھ کرو‘ ماتھرا کو بھی شودہ کرو“